-
话说，已经成年冇写部落格了，主要系因为我呢个人冇咩恒心，呵呵，不过现在年纪大咗，好多嘢都开始慢慢改变，趋向成熟，因此我嘅部落格又开始开张啦~~~
就从最近嘅事写起啦！
由于工作原因，上一年嘅五一假期冇去旅行，因此今年嘅五一又点可以错过呢，系未？碰巧肥卒嘅大学同学仔有plan，哈哈，可以join入去，免得我要搅尽脑汁捻地方（奸笑一下先）。
五一果日，一早爬起身收拾东西，之后同只肥卒飞奔去广州市汽车总站！哇，去到发觉多人到唔想讲嘢（T-T），心捻公众假期出游实在不是明智之举呀~~~
好不容易坐上去炭步嘅车，一个小时左右就到炭步了。接着坐上当地嘅“观光车”（感觉好似去到泰国，嘻嘻），大概15分钟到达目的地。
一去到，当然系吃中午饭啦，大家都饿到肚仔都扁晒了。尽管上菜嘅速度有待改善，但系无论菜嘅份量定系菜嘅味道，都还系比较满意的，可以加分。吃完饭，当然系入住我地订佐嘅别墅啦，最吸引我嘅不仅系距嘅摆设，最重要嘅系果种扑鼻而来嘅木嘅味道，令到有回忆起儿时嘅点点滴滴。
放好晒行李之后，娱乐活动也就开始啦！三国杀、拉密、UNO、土地大亨等桌游轮住玩，若然觉得累，还可以到外面欣赏下花草树木、enjoy下sunshine、坐在木桥上钓下鱼仔等等。晚餐系烧烤，大家嘅专业精神完全可以从烧出来嘅食物中感受出来，因为无论烧得熟定系唔熟，金黄色定系黑过墨斗，大家都义无反顾咁放晒入口，真系可歌可泣啊，哈哈~！烧烤完毕后，冲凉嘅冲凉，拉肚子嘅拉肚子，反正处理完自己的事情后，都集中在别墅大厅玩killer，直到kill到你死我活为止！
第二日，大家冇因睡眠不足而激情下降，一早起身出来晨运同埋影相（我很佩服，因为偶睡到10点半，呵呵）。
共1页 1
